ഉള്ളതൊക്കെയുമേകിടുന്നു നിൻ തിരു മുൻപിൽ
കാഴ്ചയായതു സ്വീകരിക്കണേ എന്‍റെ ദൈവമേ (2)
ശൂന്യമാമെൻ ഹൃത്തടവും നീറിടുന്നെൻ മാനസവും
ഏകിടുന്നൂ ദൈവമേ വിമലമാക്കണേ
ഉള്ളതൊക്കെയുമേകിടുന്നു നിൻ തിരു മുൻപിൽ
കാഴ്ചയായതു സ്വീകരിക്കണേ എന്‍റെ ദൈവമേ
ലോകവും അതിലുള്ളതെല്ലാം എന്‍റെതാണെന്ന്
വ്യർത്ഥമാമെൻ ചിന്തകൾ ഞാൻ നിന്നിലേകുന്നു (2)
എളിമ തന്നുടെ വെളിച്ചം നീ എന്നിലേകണമേ
കരുണയുള്ളോരുൾത്തലം നീ ദാനമായേകൂ(2)
ഉള്ളതൊക്കെയുമേകിടുന്നു നിൻ തിരു മുൻപിൽ
കാഴ്ചയായതു സ്വീകരിക്കണേ എന്‍റെ ദൈവമേ
തുറവി നൽകണേ എന്റെയുള്ളിലെ കണ്ണുകൾക്കു നീ
കണ്ടിടട്ടേ ദൈവമേ നിൻ ദാനമെല്ലാം ഞാൻ (2)
എന്റെയുള്ളിലെ ശേഷിക്കും നൻമയെല്ലാമേ
ഏകിടും എൻ സോദരർക്കീ ജീവിതത്തിൽ ഞാൻ(2)
