അമ്മേ മാതാവേ എന്ന് ഞാനീ മണ്ണിൽ എത്ര വിളിച്ചെന്നറിയാൻ
ഹൃദയമിടിപ്പുകൾ എണ്ണിയാൽ മതിയമ്മേ
അത്രമേൽ സ്നേഹിച്ചു നിന്നെ
ഞാൻ അത്രമേൽ സ്നേഹിച്ചു നിന്നെ
അമ്മേ മാതാവേ ......
കരയുന്നതാരുമേ കാണാതിരിക്കുവാൻ
കൈത്തലം കൊണ്ടു മറക്കവേ (2)
കുരിശിന്റെ പൂഞ്ചിറകേറി വന്നമ്മ
സ്നേഹ തൂവാല നീട്ടി
വേച്ചുവീഴാതെ താങ്ങേകുന്ന കൃപയുടെ
വേലിക്കെട്ടാണ് ശ്ലീവാ എന്ന്
നെറുകയിൽ പൊന്നുമ്മ തന്നുകൊണ്ടമ്മ
സ്വർഗ്ഗീയ ജ്ഞാനമേകി
ഈശോയെ നിന്റെ മാതാവിനെ ഞാൻ
എന്തേറെ സ്നേഹിക്കുന്നു
മരണനേരത്തു കൂട്ടായിരിക്കുവാൻ
അമ്മയെ തന്നല്ലോ നീ
അമ്മേ മാതാവേ ......
മാതാപിതാക്കൾ ഏകുന്ന കരുതൽ
തികയാതെ ഞാൻ തേങ്ങിയപ്പോൾ (2)
പൈതലാം ഉണ്ണിയെ കൈയിലേന്തിയെന്റെ
മാതാവെന്നരികിൽ വന്നു
മറ്റാരുമറിയാത്ത നൊമ്പരതീയിൽ
ആത്മാവുരുകിടുന്നു
മാതാവിൻ പൊന്നുണ്ണി കൈനീട്ടിയെന്റെ
കണ്ണീർ തുടച്ചു മാറ്റി
ഓ എന്റെ ഈശോ നിന്നമ്മയെ
ഞാൻ എന്തേറെ സ്നേഹിക്കുന്നു
സ്വർഗീയയാത്രയിൽ കൂട്ടായിരിക്കുവാൻ
അമ്മയെ തന്നല്ലോ നീ
അമ്മേ മാതാവേ
No comments:
Post a Comment